CM leh Israel palai inkâwm

India rama Israel palai, Yair Eshel (attache Agriculture MASHAV Embassy) chuan nimin khan chief minister Zoramthanga chu a pisaah a kâwm a, Mizorama horticulture tihmasawn tura hma an lakna leh hmachhawpte an sawi dun.

Yair Eshel hi Lungleia Horticulture Centre of Excellence enfiah tura rawn kal a ni a; Mizoram chu thei leh thlai chi hrang hrang hlâwk taka thar theihna hmun nia an hriat avangin páwn lam aṭangin thei chi ṭha lak luh belh an duh thu leh Centre of Excellence dang din belh an duh thu Chief Minister a hrilh.

CM Zoramthanga chuan, horticulture tihhmasawn nan Israel nen thawhhona ṭha tak neih zel a duh thu sawiin, "Centre of Excellence hian uluk taka enkawl dan dika enkawl chuan hmun zîm têah thlai leh thei ṭhahnem tak a thar theihzia a lantir a, kut hnathawktute tan inzirna hmun ṭha a nih avangin a remchan ang zela tihhmasawn a ṭha a ni," a ti.

Inkawmnaah hian Horticulture director Dr Elizabeth Saipari leh sorkar hotute an tel a ni.