Joint NGO-in ramria police duty an tlawh

NGO Coordination Committee hruaitute chuan February 9, Nilaini khan Mizoram leh Assam inrîna bul, Saipum rama Mizoram police duty-te an tlawh a, hmun danga ramri venga awm mek police-te la tlawh zel an tum bawk.

Ramria duty police-te tlawhnaah hian Joint NGO chairman R Lalngheta, Central YMA presi­dent hoin CYMA leh MHIP Gen. Hqrs office bearer-te leh MZP leh MSU hruaitute an tel a; Kolasib District NGO Coordination Committee hruaitute leh Saipum khawtlang hruaitute'n an ṭawiawm.

Joint NGO hruaitute chuan, Mizoram ramri venga duty mek police-te chu chhel tak leh rinawm taka Mizoram leh hnam tana theihtawp an chhuahnaah lawmthu an hrilh a; huaisen tak leh chak taka ram tana ding tlat zel turin an chah a ni.

NGO Coordination Committee hruaitute hian Saipum rama Mizo­ram police duty post pathum an tlawh a, post pathumah hian hmai tuam­na leh hmai khuhna eng emaw zat bakah, Rs 5,000 ṭheuh an hlân a ni.