Siaha-ah sarêp leh hruizîk hâl

Nimin khan Mara Autonomous District Council (MADC) Forest checkgate, Siahaah Forest department-in ramsa rêp leh hruizîk an man khawmte chu Siaha District MJA president M Bathai-a’n a hâl ral.

Ramsa rêp leh hruizîkte chu The Wildlife Protection Act, 1972 hnuaia humhalh leh enkawl ngai, danin a phal loh a nih avangin MADC forester-te chuan a zuartute aṭangin an man khawm a; danin a tarlan anga pawisa chawitir an nih hnu leh an thil mana thubuai pawh dan anga chinfel a nih hnuah an hâl ral a ni.