Governor-in sorkar official-te a kâwm

Governor Dr Hari Babu Kambhampati chuan nimin khan Raj Bhavan-ah director general of police (DGP) thar Devesh Chandra Srivastava a kâwm a; Labour, Employment, Skill Development & Entrepreneurship (LESDE) leh Rural Development department hotute a kâwm bawk.

Dr Hari Babu Kambhampati chuan, DGP Devesh Chandra Srivastava chu Mizorama a awm chhungin theihtawp chhuaha Mizoram leh mipui tan hna thawk turin a chah a ni.

Governor chuan, Mizoram chu India rama state rálmuang berte zinga mi ni mah se, Myanmar leh Bangladesh-in an kárcheh avangin police-te’n Assam Rifles leh Border Security Force-te nen thawhhona ṭha tak neiin venhimna hna an thawk ṭhin tih a sawi.

Larsap chuan, LESDE leh Rural Development department hotute a hran ve vea a kawmnaah, ṭhalaite hmasawnna tur leh sorkar laipui scheme an kalpuite vil uluk turin a chah a ni.