Doctor-te inziak lut turin hriattir
Health department chuan thuchhuah siamin, September 11, 2018-a Office Memorandum an chhuah tawh angin, Mizoram Medical Council Act, 2010 Section 14-in a phût angin, Mizoram chhunga doctor (medical practitioner) zawng zawngte chu Mizoram State Medical Council hnuaiah inziak lut (register) vek tura hriattir an nih thu a tarlang.
Health department tarlan danin, Mizoram State Medical Council hnuaia inziak lutte chauh Mizoram chhungah hna thawh (practise) phal a ni dawn a, Mizoram sorkar hnuaia doctor post ruak lak hunah pawh inziak lutte chauhin an dil thei dawn. Council hnuaia registered doctor-te chauhin sorkar hna appointment, driving licence leh certificate dang atan medical certificate an pe chhuak thei bawk ang.
Court case emaw, dan lam thil pawimawh emawah Indian Evidence Act, 1872 Section S.45-in a tih angin registered doctor-te chauh hi Court-ah an inlan thei dawn a ni.