Inthlana media hnathawh zirho

Kolasib District Election Office hmalaknain nimin khan IPR conference hall-ah inthlan kaihhnawiha media-te hnathawh leh kalphung inzirtirna 'Media Symposium on Election' buatsaih a ni a, district bawrhsap Dr Arun T-in a hmanpui.

Dr Arun T chuan, media leh social media khawvelah mipui an chen tawh thu sawiin, "Social media khawvelah kan chêng tawh a, Mizoramah pawh inthlan hmasa lam aiin kumin inthlanpui lo awm turah hian social media hmanna nasa takin a pung ang tih a rin theih. Sakhua leh sakhua inkara buaina leh inhuatna chhawk chhuak thei zawnga election chungchanga social media hman chu khua leh tui ṭha tana thil tih loh tawp tur a ni a, kan thu dawnte pawh a dik leh dik lohte zir chian hmasak phawt a ṭul a ni," a ti.

Inkhawmah hian Kolasib additional DC Lalthanpuia Hnamte-in Model Code of Conduct chungchang a sawifiah a ni.