Enforcement Directo­rate mite'n Champhaia in pakhat an dap

Enforcement Direc­torate chuan sum chheh­relh tur vênna dan, Money Laundering Act hmangin February 9, Nilaini zan khan Lucas Thangmangliana, Champhai in an dap.

Enforcement Direc­torate mite hian Lucas Thangmangliana chu a chennaah thu zawtfiah turin an kal chilh a, a lo awm loh avangin a in an dap a ni.

Ni hnih chhung a inah hian an awm chilh hnuah pawh Thang­­mangliana chu a inah a haw lo a, a ina pawisa fai a kawl eng emaw zat chu chhui zui turin Enforcement Direc­torate-in an hréng.

Enforcement Direc­torate mite hian ram danga pawisa thawn chhuahna kaihhnawihah sum chhehrelh a awm nia ngaiin Lucas Thang­mangliana lakah thubuai an siam a; thu zawhfiah tura tih ni mah se, amah a awm tak loh avangin Money Laundering Act hnuaiah hian chhui zui turin thubuai an siam a ni.

Enforcement Direc­torate hian nimin khan Champhai an chhuahsan a, an hmunpui Hydera­bad lam an pan nia thu dawn a ni.