SEDP Board sum hman ral leh an hnathawh a inmil lo - ZPM Ṭhalai

ZPM Ṭhalai chuan nimin khan thuchhuah siamin, SEDP hnuaia board hrang hrangte sum hman ral leh an hnathawh a inmil lo niin an tarlang.

ZPM ṭhalaite chuan, MNF party-in sorkarna an chan aṭanga kum lina a kal mek hnuah pawh an flagship programme SEDP Board chu vawi khat chauh an la ṭhukhawm tih sawiin, "Hei hian MNF sorkarin SEDP a ngaih pawimawh tâwk lohzia a tarlang chiang hle," an ti a; chutih laiin, SEDP Board-ah vice chairman-te chu minister of state rank pêk an ni a, MLA ni lo vice chairman-te pawh a hranpaa hlawh pek niin, vice chairman-te chu staff leh lirthei pêk an nih thu an sawi.

SEDP board-te kum khat sum hman ral ringawt chu cheng nuai 260 vel a nih thu sawiin ZPM Ṭhalai chuan, "Hna thawk mang loa an awm hi mak kan ti a, kum 4 chhûng hian SEDP board phuahchawpte hian eng nge an thawh? An sum hman ral leh an hnathawh hi a inmil lo hlein kan hria. Board-te hi awmze nei loa sum tam tak ei raltu an nih bakah, mipui sum báwm rawktu niin kan ngai a ni," an ti.