PE dept.-ah post ruak 894 a awm - MNF

MNF chuan thuchhuah siamin, PC party-in Power and Electricity department-ah thawktu mamawh zat aia 973-a tam an thawk nia an sawi chu thu dik lo a nih thu an tarlang a; PE department-ah hian sanction post hnawhkhah loh 894 a awm zawk niin an sawi.

MNF tarlan danin, PE department-a post awm zat chu regular staff (sanctioned) 2,177, PE 1,846, contract 43, worked charged 388 an ni a, an vaiin mi 4,454 an ni a; chutih laiin tun dinhmunah regular staff 1,283, PE 1,846, contract 43 leh workcharged 388 an awm a, an vaiin mi 3,560 an ni.

MNF chuan, "Sanctioned post leh tuna kan dinhmun en hian, PE department chuan ṭul miah loin mi 973 a ruai lo a, sanctioned post aṭangin 894 fill-up loh a awm zawk tihna a ni," an ti a; asset neih zatte a pun zel avangin a enkawltu tur thawktu mamawh belh a ni zawk tih sawiin, "PE department-in an chhût dan chuan, a chunga ziah lan tawh bak staff 952 an mamawh belh zawk a ni," an ti.