Thawktu indaih lohna phuhrûksak tum

Minister of state Lalruatkima chuan nimin khan Lungleia a department enkawl pisate a tlawh a; thawktu indaih lohna leh mamawh hrang hrang an lo thlente chu a theih ang anga ngaihtuahsak a tum thu a hrilh.

Lalruatkima hian Lunglei BDO pisa a tlawh a, thawktu an indaih loh thu leh Mizoram State Rural Livelihoods Mission (MzSRLM)-in pindan an neih loh avanga conference hall an hman lailawk thu an lo hrilh. Minister chuan, BDO pisa chungah MzSRLM awmna tur vertical extention building sak dan tur ngaihtuah a nih tur thu a sawi.

Lunglei DRDA hotute chuan thawktu an indaih loh thu leh accounts officer dah a nih chuan hmasawnna hnathawh a awlsam phah tur thu an lo hrilh a; Land Revenue & Settlement department hotute pawhin thawktu an indaih loh thu leh NH-54 leh NH-302 siam hna thawh avangin surveyor an indaih loh zual thu an lo hrilh bawk a ni.