Sorkar doctor-te'n phût an nei

Mizoram Government Doctor's Association (MGDA) chuan an hna (service) kaihhnawihah lungawi lohna an nei mek a, lungawi lohna lantir tuma an inruahman tawh rualin, tun kar chhung sorkar an ngaichâng leh dawn.

Thu dawn danin, an thil phût chungchangah hian MGDA hruaitute chu kar kal ta khan DPAR changtu deputy chief minister Tawnluia nen an inkâwm a; Dy Chief Minister chuan, MGDA-te thil phût chungchang ngaihtuahtu tur committee din a nih dawn thu sawiin, sorkar hmalakna ngaichang turin a lo ngen a ni.

Mizoram sorkarin tun kar chhungin engtiangin nge hma a lak tih MGDA chuan an ngaichâng rih dawn a; sorkar hmalak dan azirin an kal zel dan tur chu an ngaihtuah leh dawn a ni.