KHAWTHLIR

Inkhawmpui
Mizoram Presbyterian Kohhran hnuaia kohhran hmeichhiate chuan February 11-13 chhung khan pastor bial hrang hrangah bial inkhawmpui an hmang a, Inrinni khan ro an rel. UPC (NEI), Aizawl East district hnuaia bial hrang hrangte pawhin February 11-13 chhung vek khan Bial Kohhranpui inkhawmpui an hmang a, Inrinni khan ro an rel bakah, nimin khan chawhma leh chawhnuah an inkhawm a ni. Inkhawmpui chi hnihah hian hripui lêng avanga inkhawmpui neih theih rih lohna a awm nual bawk.

Ṭanpuina pe
KM Higher Secondary School NSS unit chuan Raltlan Relief Committee, Sihhmui hnenah an khuaa Myanmar aṭang ráltlân awm mekte buaipuinaa a ṭula hman turin Rs. 10,000 an hlân. Raltlan Relief Committee chuan thuchhuah siamin, KM HSS chungah an lawm thu an tarlang.

Thilpek hlân
ZPM Ṭhalai president Malsawmzuala Ralte, AMC councillor ni bawk chuan Dampa biala khaw ṭhenkhat, Covid-19 vei tam deuhna khuate February 12, Inrinni khan a tlawh kual a; Ailawng leh Reiek khuaa task force-te hnenah kut tihfaina, hmun phuh faina, hmai tuamna leh pawisa a pe. Malsawmzuala hi ZPM Ṭhalai Headquarters hruaitute bakah ZPM Dampa East Block leh unit hruaitute'n an ṭawiawm a ni.