MP-in gas lak chhuah dan tur a buaipui

Rajya Sabha MP K Vanlalvena chuan tun hnai khan Delhi Mizoram House-ah Assam Gas company managing director Gokul Swargiyari a kâwm a, Kolasib district-a Meidum khuaa gas lâk chhuah theih dan tur a sawipui. Oil and Natural Gas Corporation chhût danin, Meidumah hian gas billion cubic meter 2.28 a awm a ni.

K Vanlalvena hian IGGL-in Guwahati aṭanga hmarchhak state hrang hrangte thlun zawmtu tur gas pipeline an phûm mekin Mizoram a thlen theih dan tur a sawipui nghal a; gas pipeline hian Guwahati aṭanga Meghalaya kaltlangin Karimganj district a paltlang ang a, Mizoram-Assam-Tripura trijunction kaltlangin kum 2024 ral hmaa Kanhmun rawn thleng tura ruahman a ni.

Sorkar thuchhuah tarlan danin, chief minister Zoramthanga sàwm angin Assam Gas Managing Director leh IGGL Chief Executive Officer-te chu Aizawlah an inhmuh khawm thuai beisei a ni.