Union Minister leh CM inkâwm

Sorkar laipuia minister of state for Rural Development & Steel minister Faggan Singh Kulaste chuan February 11, Zirtawpni tlai khan chief minister Zoramthanga chu a chenna bangla-ah a kâwm a, Mizoram kaihhnawih thil pawimawh an sawi dûn.

Faggan Singh Kulaste chuan, Mizoram hmasawn nan agriculture leh horticulture lam a pawimawh thu leh Mizoramin theihna nasa tak a nei a, ram páwna thawn chhuah tlak tak tak a thar ṭhina a hriat thu a sawi a; link road leh khaw tin tlawh kawng ṭha neih a pawimawh thu leh Mizoram chu fûr laia leimin tuar ṭhin state a nih avangin a remchanna apianga pumpelh kawng siam ṭha a tih thu a sawi bawk.

CM Zoramthanga chuan, leilung behchhana eizawnna ngêlnghet siam tura Mizoram sorkar hmalaknate a sawi a ni.