Mi 62 in Omicron an vei tih finfiah

Covid-19 hri thar Omicron a nih leh nih loh finfiah tura Mizoram aṭanga National Institute of Biomedical Genomics (NIBMG), Kolkata-a sample thawn zinga 62 chu Omicron a ni tih finfiah a nih thu nimin khan Health deptartment in an dawng.

Covid-19 spokesperson Dr Pachuau Lalmalsawma hnen aṭanga Vanglaini thudawn danin, Mizoram aṭanga sample thawnte chu nimin tlai thleng kha chuan test zawh a la ni loa, test mek zel a ni. Sample 62 chu Omicron a ni ngei tih nimin tlai thleng khan NIBMG hian an finfiah tawh.