MIMA-in dawr hawn vek theih tawh beisei

Sumdawng pawl Mizoram Merchant Association (MIMA) chuan thuchhuah siamin, sorkarin SOP thar a siam leh turah dawr hawn vek theih an beisei thu an tarlang.

MIMA chuan Covid-19 avanga Mizoram sumdawngte leh kut hnathawktute'n an tawrh nasat em avangin hnathawka dawr hawn vek theih tawh duhin Dawrpui, Chanmari leh Zarkawt LLTF-te an kawm thu an tarlang a, “A ṭul ang zela veng dang LLTF-te pawh MIMA hruaitute chuan kawm zel kan tum a ni,” an ti.

Sumdawnna line ṭhenkhat beauty parlour & spa, gym, movie theatre leh adangte pawh a remchan dan anga an sumdawnna kalpui theih tura ruahmanna siam sak tawh a ṭul thu an tarlang bawk.