Provisional employee-te châwl dawn

Mizoram sorkar hnuaia a nghet loa thawk Provisional Employee's Association of Mizoram (PEAM) chuan an thil phut Mizoram sorkarin a tihpuitlin loh avangin lungawi loh lantir nan February 17-18, 2022 hian a huhoa chawlh, mass casual leave an

la dawn.

PEAM hruaitute chu nimin khan an ṭhukhawm a; thuchhuah siamin, "Provisional employee-te regular ve theihna, Austerity Measure (OM No.G.17.04/4/2019-FEA Dt. 28.05.2020) hmanga sorkarin min danna a la phelh loh avang leh kan intunnun vena tur (NPS zûlzui) nei tura hma min laksak loh avangin February ni 17 leh ni 18 (Ningani leh Zirtawpni) hian mass casual leave kan la dawn," an ti.

PEAM chuan, "Kan hamṭhatna leh chanvo neih tlemtê chang tura kan chawlh (casual leave) tur hian Mizoram sorkara department hrang hranga provisional employee a huam dawn avangin, harsatna awm thei chungchangah department hotute leh mipui hriatthiamna kan dil tak meuh a ni," an ti.