Post-a awm ṭha duh lo zirtirtute chungchang CYMA-in a bawhzui

Central YMA hruaitute chuan nimin khan School Education minister Lalchhandama Ralte a pisaah an hmu a; YMA Gene­ral Conference-a an rêl tawh, sikula hnam làm zir leh zirtir­tu mahni post-a awm ṭha duh lote chungchang an sawipui.

Nikuma YMA General Conference-ah 'Zirna sikulah Mizo hnam làm zirtir a nih theih nan sorkarah thlen ni rawh se' tih leh, 'Zirtirtu mahni post-a awm ṭha duh lote hi an post-a an awm theih nan CYMA-in hma la rawh se' tihte rel a ni a; chungte chu CYMA hruaitute chuan bawhzuiin, nimin khan School Education Minister hnenah an thlen a ni.

Minister chuan, a theih chin chinah hmalak a nih tur thu a lo hrilh a, a ṭul anga sawiho zel ni se, an tih thu CYMA hruaitute chuan an tarlang.