Inremna ziak

 Lengpui bula Motosports Racing Track & Sports Complex siamna atan Mizoram State Sports Council leh Rural Electrification Corporation (REC) chuan nimin khan Delhi-ah inremna an ziak. Motosports Racing Track & Sports Complex hi cheng nuai 1,000 senga siam tur a ni a, REC hian an CSR fund aṭangin cheng nuai 750 an tum dawn a, a bak cheng nuai 250 chu Mizoram sorkar tum tur a ni.

Sports minister Robert Romawia Royte chuan, REC-in India leh hmarchhak ṭhalaite mamawhna hriaa an rawtna an pawm chu lawmawm an tih thu sawiin, "A hnathawh hi MSSC mawhphurhna a nih angin ṭan thuai a ni ang," a ti.