Chief Minister-in dawr hawn vek ṭha a ti

Chief minister Zoramthanga chuan, dawr inhawn chhâwk tihtawp a, dawr hawn vek a thlàwp thu nimina amah hmutu Mizoram Merchant Association (MIMA) hruaitute a hrilh.

MIMA hian nimina Chief Minister an hmuh chungchangah hian thuchhuah siamin, "Dawr inhawn chhâwk titawp a, dawr inhawn vêk kan rawtna chu min thláwp thlap. Deputy Chief Minister pawhin dawr inhawn chhâwk hi a ṭul tawh lohzia a sawi thu leh hma a lak nghal tur thu min hrilh," an ti.

Spa, beauty parlour, gym leh movie theatre pawh hawn phal tawh tura an ngenna chu Chief Minister-in ṭha a tih thu tarlangin MIMA chuan, "Chief Minister chungah kan lawm tak zet," an ti a; inkaihhruaina thar a chhuah thuai an beisei thu an sawi a ni.