PC party-in debate-ah MNF an sawm

PC party chuan thuchhuah siamin, Power & Electricity department-a mamawh loh leh ṭul loa thawktu eng emaw zat an awma an hriat chungchangah rorel lai MNF party chu debate (inhnial) neihpuiah an sáwm tih an tarlang.

PC party chuan, February 7, 2022-a press release an siamah PE department-a mamawh miah loh leh ṭul miah loa thawk mi 973 an awm thu an tarlan chu MNF party-in February 11, 2022 khan press release hmangin an chhang tih an sawi a, “PC party chu thu dik zîktluak lo, mipui rilru hruai khawlo thei thuchhuah siama puhin point eng emaw zat an lek chhuak a. Zoram mipuite’n thu dik zîktluak an hriat ngei theih nan press release hmanga inchháng loin, TV kaltlanga debate neih ngei PC party chuan ṭul kan ti a, a rang thei ang bera debate hmanga inhmachhawn turin kan sáwm a ni,” an ti.