Covid-19 vangin mi 640 an thi tawh
Nimin khan tlai dar 5 thlengin Mizoramah Covid-19 vangin mi pahnih an thi a, February 15, Thawhlehni tlaia thi pakhat tarlan thar a awm bawk. Mizoramah hripui vangin mi 640 an thi tawh a, kumin February thla bikah mi 30 an thi tawh.
February 15, Thawhlehni tlai dar 4:30 khan K Lalmuana (68), Ṭhualthu, Lunglei district chu Lunglei dedicated covid health centre (DCHC)-ah a thi a, natna dang nei tel a ni. Covid-19 positive a ni tih February 15, Thawhlehni vêk khan finfiah a ni.
Nimin zing dar 2:30 khan Alka Limbu (36), Bualpui, Kolasib district chu State Refferal Hospital-ah a thi a; Covid-19 vei a ni tih February 6, 2022 khan hmuh chhuah niin, SRH-ah dah luh nghal a ni a, natna dang nei tel a nih thu sorkar thuchhuakin
a tarlang.
Lalnghakmawii (6), Bawngkawn pawh nimin tlai dar 3:35 khan hripui vangin SRH-ah a thi a, natna dang nei tel a ni. Covid-19 positive a ni tih February 3 khan hmuh a ni a, SRH-ah enkawl nghal a ni.