Thiamthil tihhmasawn dan zirho a ni

Labour, Employment, Skill Development and Entrepreneurship (LESDE) department chuan Khawzawl District Skill Committee (DSC) member-te tan nimin khan DC conference hall-ah LESDE hnuaia skill upgradation scheme kalpui hrang hrang chungchang inzirtirna, Sensitization Programme for Skill Upgradation under SANKALP an buatsaih.

Inkhawm kaihruaitu Khawzawl bawrhsap CC Lalchhuangkima chuan, LESDE department-in a hmun ngeia kal chilha inzirtirna an buatsaih chu ṭha a tih thu sawiin, “Khawzawl district hi skill development-ah theihna sang tak nei a ni,” a ti a, an hmalak tawhnate a tarlang.