February 16-a Covid-19 positivity rate 25.83%

February 16, Nilaini khan Mizoramah Covid-19 vei mi 1,571 hmuh chhuah a ni a, positivity rate 25.83% a ni. Nimin khan hripui vei dam tawh mi 1,871 chhuahtir an ni a, Covid-19 vei thi an

awm lo.

Covid-19 vei Nilainia hmuh tharte chu mipa 749 leh hmeichhia 822 an ni a; RT-PCR laboratory-a hmuh chhuah 272, TrueNAT hmanga hmuh 90, RAT hmanga hmuh 1,175 leh FIA hmanga hmuh 34 an ni. February thla chhungin positive mi 27,184 hmuh a ni tawh a, chawhrualin ni tin mi 1,699 hmuh chhuah an awm ang a ni.

Khawzawl district-a Vankal khuaah hripui vei mi 137 hmuh chhuah a ni a, Champhai District Jail-ah mi 76 hmuh a

ni bawk.

Mizorama district 11 zinga district 10-ah swab sample endik niin, positivity rate 10% chung lam vek a ni a, district pakuaah 20% chung lam niin, district pangaah 30% chung lam niin, district pahnihah 40% aia sang a ni. Saitual district-ah 20% a tling lo a, Kolasib district-ah sample endik a ni lo.

February 16-a Mizorama positivity rate chu 25.83% a ni a, ni 26 chhung a záwnin Covid-19 positivity rate 20% chung lam a ni tawh a, January 22, 2022 aṭang khan ni tin positivity rate 20% aia sang vek a ni.

Nimin tlai dar 5 thleng khan hripui vei dam tawh mi 1,871 chhuahtir an ni a; district tina chhuahtir zat chu - Aizawlah mi 645, Kolasib-ah 294, Serchhipah 184, Lungleiah 177, Mamitah 138, Khawzawlah 129, Champhaiah 102, Siahaah 64, Saitualah 60, Hnahthialah 47 leh Lawngtlaiah 31 an ni.

IDSP record angin, Mizoramah Covid-19 vei 2,02,206 hmuh chhuah a ni tawh a, mipa 94,878 leh hmeichhia 1,07,328 an ni a, mipa aiin hmeichhia 12,450-in an tam zawk. Nimin tlai dar 5 thleng khan mi 1,92,093 (95%) chhuahtir an ni tawh a, mi 640 (0.32%) thi tawhin, enkawl mek mi 9,473 (4.68%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,02,206 chu mi 1,000 zelah hripui vei mi 184 an awm ang a ni a; mi 1,00,000 zela Covid-19 vangin mi 58 an thi tawh ang a ni tih sorkar thuchhuakin

a tarlang.

Mizoramah February 16, 2022 thlenga swab sample endik tawh 17,78,283 aṭanga positivity rate chu 11.37% a ni a; RT-PCR hmanga endik zat percentage chu 20.55 a ni a, RAT hmanga endik zat chu 73.77% a tling.