Rajya Sabha MP-in ramri tlawh

Rajya Sabha MP K Vanlalvena chuan February 16, Nilaini khan Chuhvel khaw dáia Assam ramri bula Mizoram police duty post-te a tlawh a; duty post panna kawnga lui tê pahnih chunga lirthei kal theihna lei dawh ṭhatna tur MP LAD fund aṭangin pek a tum thu a sawi.

K Vanlalvena chuan, Google map imaginary boundary line tih chhuanlama hmanga Assam hote'n an ram nia an chhàl thui tak awpa Mizoram sorkarin police-te duty post a siam thar chu thil chhinchhiah tlak a nih thu a sawi a; ramria Mizoram sorkar hmalakna hrang hrangte thlamuanthlak a tih thu a sawi bawk.

Police duty post pahnihah hian ramri vengtu police 37 an duty mek a ni.