HFW dept.-in theihtawp an chhuah

Health & Family Welfare department chuan February 16, Nilaini khan Secretariat conference hall-ah HFW minister Dr R Lalthangliana hoin review meeting an nei. Minister chuan, "Covid-19 kaihhnawih mai ni loin, HFW department hmalakna hrang hrangah thawktute an fakawm a, theihtawp an chhuah a ni," a ti.

Review meeting-ah hian Health Services, Hospital and Medical Education, ZMC, IDSP, National Health Mission leh Mizoram State Cancer Institute aṭangin hotute an tel a; péng hrang hrangte hian kum 2021-22 chhunga an hnathawhte an sawi a; ṭul leh mamawhte leh hmachhawpte an sawiho a ni.

Health Minister chuan, Covid-19 donaa hmalaknaah HFW department-a thawkte fakawm a tih thu sawiin, "Covid-19 hian rei tak min chàm chilh ta a, harsatna nasa tak min siam chungin thawktute phûr leh taima taka ke in pên thei zel hi in fakawm a, ram tana in inpekna a ropui hle a ni. Phûrna thar nen kuminah pawh hma lam pan zel turin duhsakna ka hlan a che u," a ti.