Central scheme-a hnathawhte thlirho

Lawngtlai District Development Coordination and Monitoring Committee (DISHA) chu an chairman C Lalrosanga, Lok Sabha MP kaihhruaiin nimin khan video conferencing hmangin an ṭhukhawm a, sorkar laipui scheme hmanga hnathawhte an thlirho.

C Lalrosanga chuan, Covid-19 léng karah Lawngtlai district-a hmasawnna fawng vuantu department hrang hrangte hna thawh chu lungawithlak thawkhat a tih thu a sawi a, "In thlen chinah duh tâwk mai loin, ṭhahnem ngai leh chak zawkin hna thawk zel ang che u," tiin a fuih.

Ṭhutkhawmah hian sorkar kum kal mek 2021-22 chhunga Lawngtlai district-a sorkai laipui ruahmanna hnuaia hmasawnna hna hrang hrang thawhte thlirho a ni a; harsatna awmte chinfel dan tur an sawiho nghal.

He hunah hian Lawngtlai East bialtu MLA H Biakzaua, district bawrhsap Dr Andrew H Vanlaldika leh DRDA project director Marilyn Rualzakhumthangi bakah, sorkar, bank leh tlawmngai pawl aiawhte an tel a ni.