Chawlh lâk titàwp rih

Mizoram sorkara a nghet loa thawk, Provisional Employee's Association of Mizoram (PEAM) chuan Mizoram sorkarin an thil phût a tihpuitlin loh avanga lungawi loh lantirna atana February 17-18 chhunga a huhoa chawlh an lak hnuah, nizan dar 12 aṭang khan lungawi lohna lantir an titawp rih.

PEAM chuan thuchhuah siamin, "Kan hruaitute leh Chief Minister indàwrnaah kan CM-in kan thil phûtte tihhlawhtlin dan kawng zawnpui tura Finance Commissioner thu a pek angin, Finance department-in min tihhlawhtlinsak ngei beisei chungin mass casual leave lak tihtawp lailâwk a ni. Kan thil nawrte tihlawhtling tur zawnga hmalakna a awm loh chuan tun aia nasa zawka hmalak a ni ang," an ti.