Tuipui-D marboat thar vailiam

Minister Dr R Lalthangliana chuan nimin khan a bial chhung, Chhimtuipui Darzo kài Chili hmuna hman tur lawngléng (marboat) a vailiam a, Khawlailung Primary Health Centre (PHC) sak thar a tlawh bawk.

Khawlailung PHC hi NABARD RIDF XXIV sum nuai 140.21 hmanga sak a ni a, thawktute’n an mamawh an lo thlente chu sum awm dan azira ngaihtuahsak an nih tur thu Minister chuan a hrilh.

Tuipuia inthiar kaina atana hman tur marboat chu Tuipui-D khaw mi R Lalbela tuk a ni a, ft. 40-a sei niin, pick-up truck rit phur pawh phur zo tura ngaih a ni. Lawngleng tukna senso cheng nuai 15 chu Dr R Lalthangliana’n a MLA fund aṭangin a tum a ni.