Lemziaka intihsiakna buatsaih

Sorkar laipuia Ministry of Tribal Affairs leh Mizorama Social Welfare & Tribal Affairs department bultum leh Azadi Ka Amrit Mahotsav pualin nimin khan Aizawl Art Gallery-ah lemziaka intihsiakna, Painting Competition buatsaih a ni a, mi eng emaw zat an tel.

Painting Competition-ah thupui (theme) chu ‘Tribal art’ tih a ni a; hlawm pali - middle school, high school & higher secondary school, college & university leh professional category-ahte ṭhenin intihsiak a ni.

Category hrang hrangah lawmman pakhatna aṭanga pathumna thleng pek a ni dawn a, lawmman atan Rs 1,13,000 sem chhuah tur a ni. Intihsiaka telte lemziak chu February 23-ah a duh apiang en theih turin Aizawl Art Gallery-ah pho chhuah a ni ang.