Saitlaw khuaa kawlphetha pek dan tur en

Power and Electricity minister R Lalzirliana chuan nimin khan Hortoki aṭanga Saitlaw khuaa kawlphetha pekna tur hmunhma a enfiah a, megawatt 3 pe chhuak thei tura beisei Saiphal Project a en nghal bawk.

Saitlaw khua hi in 10 awmna a ni a, kum 20 chuang kal taah kawlphetha pek tawh ni mah se, kum hnih/khat hnua tihtawp a nih hnuah tun thlengin electric power an la nei leh ta lo a ni. Mizo hlang awmna khuaah chuan Saitlaw chiah hi electric power nei lo nia sawi a ni.

Minister R Lalzirliana chuan, “Mizoram khua zawng zawng êng pek vek kan tum a, tunah hian khaw tlemtê pek loh la awm zingah Saitlawah hian hun rei lo têah êng a luh ngei ka beisei,” a ti.