SEDP board-te sum hman ral leh Hnathawh a inmil lo - Vanlalhlana

ZPM Legislature Party (ZLP) deputy leader Vanlalhlana chuan, Mizoram sorkarin a din SEDP board-te sum hman ral leh an hnathawh chu a inmil lo lutuk niin a sawi.

Vanlalhlana hian February 17, Ningania Bawngkawn a tlawhnaah thu sawiin, SEDP board sum hman ral leh an hnathawh inmil lo lutuk chu a vei thu a sawi a, “MNF-in sorkarna an chan aṭanga kum lina an hman mek hnuah pawh SEDP board-te chu vawi khat chauh an la ṭhukhawm. Hei hian MNF sorkarin SEDP a ngai pawimawh tâwk lo a, Lengpui Airport atana cheng nuai 1,868 chuang ngawt mai SEDP sum aṭanga an pawt péngte hi nuai thum an sem theih loh chhan a nih hmel,” a ti.

Vanlalhlana chuan, SEDP board phuahchawpah hian vice chairman-te hi minister of state rank pek niin, MLA ni lo vice chairman-te pawh a hranpaa hlawh pek an ni a, vice chairman-te hnenah hian staff leh lirthei pek a ni bawk,” a ti a; SEDP board-te’n kum khat sum an hman chu cheng vbc. 2.6 a nih thu leh mipui sum ei raltu mai an nih thu a sawi bawk.