Award dawn an lawm

Social Welfare de­partment (SWD) chuan nimin khan ram pum huap chawimawina, POSHAN Abhiyaan National Award leh Pradhan Mantri Matru Vandana Yojna (PMMVY) National Award an dawn chu ATI Audi­torium-ah an lawm a, chief secretary Arvind Ray-a'n a hmanpui.

PMMVY-ah hian North East Region and Himalayan Areas zone-ah Mizoramin State Award a la a, Serchhip district chuan District Award an la bawk. Lawmman hi September 7, 2018 khan New Delhi ah sem a ni. PMMVY hi sorkar laipuia Ministry of Women and Child Development-in nu nau pai leh hnute tuia nausen châwm mek (lactating mother)-te tana a buatsaih a ni a; he hmalaknain a tum ber chu, nute'n hrisel taka nau an pai a, fa ṭha taka an hrin leh enkawl zui theihna tura ṭanpui a ni.

POSHAN Abhiyaan (National Nutrition Mis­sion)-ah hian Mi­zo­ram chuan Maximum Reach Across All Theme tih category-ah chawi­mawina sang State Award a dawng. POSHAN Abhiyaan hnuaiah vek hian category hrang hrang pali ah mimal lawmman dawngtu an awm bawk.