Palak biala INC MDC parukin candidate atan Riachho an duh

Siaha district-a Palak bial chhunga Mara Autonomous District Council (MADC) MDC zinga Congress MDC paruk chuan Palak biala Congress party candidate atan K Riachho an duh thu, MPCC president Lal Thanhawla hnenah ziakin an thlen.

MDC parukte chuan, Palak biala MLA candi­date tur siam dawnah Mara District Congress Committee Nomination Board-in MDC ngaihdan an ràwn thu tarlangin, "Candidate atan K Riachho duhtu MDC paruk, Hiphei duhtu MDC pathum, IP Junior duhtu MDC pakhat kan awm. Congress Bhavan ngaihdan pawh lak khawm a ni a, general secretary rual interview lak a ni a, pasarihah parukin thil kal tawhte ngaihtuahin Hiphei an duh lo," an ti.

MDCC Nomination Board-in duhtu nei tawh lo Hiphei chu Palak biala INC candidate atana no. 1-a an dah chu mak an tih thu tarlangin MDC parukte chuan, "Democracy pal­zûtna bakah, Congress cul­ture an bawhchhe nasa hlein kan hria," an ti a; mi tam zawk duh dan anga candidate atana K Ria­chho pe turin an ngen a ni.