Zoramthanga'n MNF innghahna a sawi

MNF president Zoramthanga chuan nimin khan Mizo Hnam Rûna inkhawmah thu sawiin, MNF party innghahna thu bul, preamble chu, ''Isua Krista chu Mizoram lal ber a ni a, Bible thianghlim chu a innghahna lungphûm a ni,' tih a nih thu a sawi.

Zoramthanga chuan, an innghahna chu ram tana an chhuahpui leh an martarpui, an thuthlunga ngai reng a ni tih sawiin, "India sorkar nen remna siam a nih khan Constitution kalh loa dah a ngaih avangin 'Mizote sakhua leh an practice-te Parliament kutah dah loin Mizo mipuite kutah dah' a ni. Ram, hnam leh sakhua practice-te Parliament kuta dah loa Mizo mipui kuta dah a ni hi ram dang mite pawhin mak an ti hial a ni," a ti.

MNF President chuan, Mizo mipuite retheih vangin sum hmanga páwn lam mite beihna lakah an tláwm ṭhin nia sawiin, "2018 inthlana MNF kan sorkar chuan, malsawmna ruai mipuite ban phaka chawi hniam kan tum a, chu chu MNF-in kohna a dawn a ni," a ti a; mipuite'n Pathian leh ram malsawmna an dawn chuan, MNF ;eh Mizo mipui tan ngawt ni lo, Pathian tan an tih thu a sawi.