Serchhip MJA-te’n kawng siam an enfiah

MJA, Serchhip district member-te chuan February 19, Inrinni khan Serchhip Mat phai, Tuisen zaua bialtu MLA fund hmanga kawng laih thar an enfiah.

Mat phaia Tuisen zau kawng, Zote South khaw panna kawng ni bawk chu fûr laiin Mat lui lianin a chîm nasat ṭhin avangin lirthei leh mihring tan kaltlang hleih theih a ni ṭhin lo a, kawng chu kawng awm sa aia sanga sawn turin Serchhip bialtu MLA Lalduhoma’n a fund aṭangin Rs 8,00,000 a pek hmangin Serchhip Welfare Committee-in kawng siam hna an thawk a ni.

Kawng siam hna chu February 19, 2022 khan zawh thawkhat a ni a; kawng siam a nih theih nan C Khuangawia, Tuahkimi leh Tlangmawia ten a thlàwnin ram an pe a ni.