Covid-19 vangin 643 thi tawh

Nimin khan tlai dar 5 thlengin Mizoramah Covid-19 vangin mi pakhat a thi a, February 18, Zirtawpni zan khan mi pakhat a thi bawk. Mizoramah hripui vangin mi 643 an thi tawh a, kumin February thla bikah mi 33 an thi tawh.

February 18, Zirtawpni zan dar 6 khan Chalngaiha (87), Hlimen, Aizawl chu hripui vangin State Refferal Hospital-ah a thi a, Covid-19 vei a ni tih February 5, 2022 khan hmuh chhuah niin, SRH-ah dah luh nghal a ni.

Nimin zing dar 7:30 khan Biakzami (85), North Vanlaiphai, Serchhip district chu hripui vangin an inah a thi a, natna dang nei tel a ni. Covid-19 positive a ni tih February 19, Inrinni khan finfiah a ni a, an inah inenkawlin, a tukah a thi a ni.