Covid19 positivity rate a záwnin Ni 29 chhung 20% aia sang a ni tawh

Mizoramah Covid-19 vei February 18, Zirtawpni khan mi 1,151 leh February 19, Inrinni khan mi 1,324 hmuh chhuah a ni a, February thla chhungin mi 30,778 hmuh a ni tawh. Inrinni leh nimin khan hripui vei dam tawh mi 1,841 chhuahtir an ni a, mi pakhat a thi.

Mizoramah ni 29 chhung a záwnin Covid-19 positivity rate 20% chung lam a ni tawh a; January 22, 2022 aṭang khan ni tin positivity rate 20% aia sang vek a ni.

Covid-19 vei February 18-a hmuhte chu mipa 510 leh hmeichhia 641 an ni a; RT-PCR hmanga hmuh 122, TrueNAT hmanga hmuh 105, RAT hmanga hmuh 914 leh FIA hmanga hmuh 10 niin, positivity rate chu 22.01% a ni.

February 19, Inrinnia hmuhte chu mipa 574 leh hmeichhia 750 an ni a; RT-PCR hmanga hmuh 206, TrueNAT hmanga hmuh 70, RAT hmanga hmuh 1,031 leh FIA hmanga hmuh 17 niin, positivity rate 25.50% a tling.

Nimin tlai dar 5 thleng khan hripui vei dam tawh mi 1,173 chhuahtir an ni a, February 19, Inrinni khan mi 668 chhuahtir a ni bawk.

IDSP record angin, Mizoramah Covid-19 vei 2,05,800 hmuh chhuah a ni tawh a, mipa 96,426 leh hmeichhia 1,09,374 an ni a, mipa aiin hmeichhia 12,948-in an tam zawk. Nimin tlai dar 5 thleng khan mi 1,95,757 (95.12%) chhuahtir an ni tawh a, mi 643 (0.31%) thi tawhin, enkawl mek mi 9,400 (4.57%) an awm.

Kum 2011 chhiarpui aṭanga chhûtin, Mizorama Covid-19 vei hmuh tawh 2,05,802 chu mi 1,000 zelah hripui vei mi 187 an awm ang a ni a; mi 1,00,000 zela Covid-19 vangin mi 58 an thi tawh ang a ni tih sorkar thuchhuakin a tarlang.