Aizawlah lirthei intlân chhâwk zel tur

SDMA State Executive Committee chairman JC Ramthanga, additional chief secretary chuan February 18, Zirtawpni zan khan Aizawl khawpuia lirthei intlân chhâwk dan tur a tarlang a; Traffic SP-in thupek a chhuah ang.

Lirthei intlân chhâwk dan tur
City bus, taxi, two-wheeler taxi, adt. leh bungraw phur motor-te a ngai angin an tlân ang.
Sorkar leh mimal lirtheite intlân chhâwk dan hman mek angin tlân tur; Inrinni, Pathianni leh sorkar holiday-ah tlân vek theih a ni.
City bus, taxi, two-wheeler taxi, adt. driver leh handyman-te’n lirthei ṭhutphah leh a chhungte an tithianghlim ziah tur a ni.
Lirthei fai taka vawn tur a ni a, hmai tuamna an vuah reng tur.
Passenger-te hman tur hand sanitiser pài reng tur.
Driver leh handyman-te Covid-19 vaccine full dose la tura beisei an ni.
Lirtheiah a chhunga ṭhutna awm zat aia tam chuan phal a ni lo.
Bus-ah ding an awm tur a ni lo.