National Painting Competition neih a ni

Naupangte tana buatsaih National Painting Competition 2018 chu October 13, Inrinni khan Mizorama a vawi kua nan PC Girls School, Aizawl­ah neih a ni a, zirlai ṭhahnem tak an tel.

Lemziaka intihsiakna, National Painting Competition hi kum tin September leh October thla chhunga neih a ni ṭhin a, naupang kum 5-16 tana tih a ni. Naupangte chu group pali - Green (kum 5-9), White (kum 10-16) leh, Special group pahnihah ṭhen an ni a; India ram state dangte nen thupui inang vek hmangin an inel a ni.

National Painting Com­petition-ah hian group­ tinah lemziak ṭha zual panga thlan a ni a, chu'ngte chu state danga lemziak ṭhazual an thlante nen New Delhi-ah thawnin, lemziak lama mi bik Selection Board-in a ṭha ber an lo thlang dawn a ni. Ram puma lawmman dawng phate chu an lawm­man semna tur Delhi-a an kal man leh thlen man tumsak vek an ni dawn a; lawmmanah hian sumfai bakah medal leh pawl 12 an zir thlenga scholarship pekte a tel.

Mizorama National Painting Competition 2018 neih hi Mizoram State Council for Child Welfare buatsaih a ni.