Hunpuiah hâlpuah khap a ni

Aizawl DC Dr A Muthamma chuan, Mizorama hunpui hman ṭhin, Krismas leh kum thar lawmna vuakvêt leh Dussehra keh Diwali lawmnaahte Aizawl district chhungah hâlpuah leh hâlmawi hâl khap a nih thu a puang.

Aizawl Bawrhsap chuan, hunpui hrang hrangah hian hâlpuah leh hâlmawi hâl ṭhin a nih thu tarlangin, "Hei hian mihringte tan thil ṭha lo tam tak a thlen theih avangin khap a ṭula hriat a ni," a ti.

Khapna thupek hi October 11, 2018-a chhuah niin, thla khat chhung atana chhuah a ni a; thupek zâwm lote chu dan anga hrem an ni ang.

Aizawl DC thupek

. Mi tumahin phai lam emaw hmun dang aṭangin hâlpuah, hâlmawi, silai lem (a mu kâp chhuak thei) reng reng an la lut tur a ni lo.

. Dussehra, Diwali, Krismas leh kumthar vuakvetah mi tumahin hâlpuah leh hâlmawi an zuar/hralh tur a ni lo a, an hâl tur a ni hek lo.

. Silai lem, a mu kâp chhuak thei reng reng zawrh khap tlat a ni.