Global Handwashing Day hmang

Nimin October 15 kha Global Handwashing Day a ni a, Mizoram hmun hrang hrangah hman niin, thupui chu 'Clean hands a A recipe for health’ tih a ni.

Global Handwashing Day hi Aizawlah chuan Aizawl district SSA Mission, Swachh Bharat Mission (Gramin) leh PHE department bultumin Chaltlang Middle School-ah hman a ni a; Chaltlang M/S bakah, Chaltlang Lily Veng Primary School zirtirtu leh naupangte an tel. Lalsanga, PHE executive engineer leh SBM(G) Aizawl district member secretary-in kaihruaiin, SSA Aizawl district project coordinator Lallianzuali Bawitlung-in thu a sawi.

Mizoram hmun hrang hranga primary school leh middle school-ah Global Handwashing Day hi hman a ni a; naupangte chu kut silfai ṭhat leh hriselna atana a pawimawh dante zirtir an nih bakah, a takin fai taka kut sil dan zirtir an ni.