MPSC-in No Vehicle Day hmang dawn

Mizoram Public Service Commission (MPSC)-a thawkte chuan October 18, Ningani hian 'MPSC No Vehicle Day' an hmang dawn a; MPSC-a thawk zawng zawngte chu lirthei keng loin, kein an pisaah an kal dawn.

MPSC secretary Lalzirmawia Chhangte chuan, "October 18, Ningani hian MPSC office-a thawk, a lian ber aṭanga a tê ber thlengin, chairman leh member te, secretary-te pawh huap vekin 'MPSC No Vehicle Day' hman kan tum a, kan zavaia kea office kal turin kan inbuatsaih. Kea kal thei ngang lo chuan public transport hman phalsak an ni," a ti.

No Vehicle Day hman chhan
1. Oil/fuel man sang zel vangin ni khat senso pawh a lo tam ta a, inrenchem a ṭulzia inzirtir nan hei hi thil harsa lo tak, tih mai theih a ni a, oil renchem ṭulzia tlangaupui nana tih a ni.
2. Kan chhehvel boruak bawlhhlawh zual zel hi kan mottor khûte hian a belhchhah nasa em em. Boruak thianghlim zawk kan neih theih nan he lamah hian mipui mimir kan ṭhanharh a ṭul a, ecology venhimna hi mi tin mawhphurhna a ni tih awareness campaign neih nan.
3. Taksa hriselna atan taksa sawizawi leh kea kal a ṭangkai em em a, health awareness campaign a ni nghal dawn.
3. Office pakhata thawkte inpawh zawk nan a huhoa kea kal hi a ṭangkaiin rin a ni.