CYMA-in hâlpuah leh silai lem Zuar/hmang lo turin an ngen

Central YMA chuan, kumin Krismas leh 2019 kum thar vuakvêtah hâlpuah leh a kaihhnawih te, silai lem (a mu kâp chhuak thei) zuar lo tur leh hmang lo turin Mizo mipui an ngen a; halpuah, hâlmawi leh silai lem chungchang bawhzui turin CYMA hnuaia Sub-Committee-in chak taka hma an lak mek thu an tarlang.

October 15, Thawhṭannia CYMA Committee Room-ah YMA Central Executive Committee meeting chuan, November 28, 2018-a Mizoram MLA General Election awm tur pualin, political party hrang hrang hruai­tute an office-ah lêng kual­a CYMA hminga kawm an rél a; hnam bil hruaitute pawh inthlan chung­changah CYMA pisaah lênga sawm ni se, an ti.

Central YMA chuan, Chakma Autonomous District Council ṭhiah phûta Central YMA-in October 10, 2018-a Aizawl leh khaw hrang hranga kawngzawh huaihawt a ni chu lawmawm an tih thu leh kawng zawhnaa telte leh an hmalakna thlawptu Mizo mipui chungah lawmthu an sawi tih an tarlang a ni.