Zu siamna hmun tichhia

Lawngtlai Police-te chuan nimin khan Lawngtlai dái ramhnuaiah zu siamna an tichhia a; zu siamna zém 14 an tihchhiat bakah, bél pahnih leh chini kg. 25 an man a, a vaiin Rs. 1,40,000 vel húa chhût a ni.

Lunglei Police-te leh Excise & Narcotics enforcement ṭangkawp pawhin Joint Operation an nei a, tun hnai khan beer can 58, Whisky ûm 28 leh rakzu fûn an man a; a neitua puhte - Lalnghinglova (40) s/o Lalbela, Hnahthial Kanan Veng leh Johnson Lalhmingthanga (48) s/o Lianngaia (L), Zobawk nia insawite an man bawk.

Police department hian November 28, 2018-a Mizoram inthlanpui awm turah, mipuii thlamuang leh felfai taka vote an thlak a, inthlanna thianghlim leh zalen a awm theih nan nasa takin hma an la a, "Ruihhlo leh thil ṭha lo dangte check a, man zel a ni a, lirtheite pawh Zoram hmun hrang hrangah ni tin endik reng a ni," an ti.