Zorama hoin Ex-MNA inhmukhawm

Ex-Mizo National Army (Ex-MNA) hruaitute chu nimin khan Yatri Niwas, Luangmualah an inhmu khawm a, MNF president Zoramthanga'n telpuiin fuihna thu a sawi.

Zoramthanga chuan, hnam sipai inhmuh­-khawm buatsaih a ni chu lawm­awm a tih thu a sawi a, "Hetiang hun buatsaih a ni hi ka lawm tak zet a, chutih laiin, Pathian leh he ram tana martarte mitthlaah an lo lang a, a lunglenthlak hle a ni. An inpeknate an tawrhnate he hnam hian a theihnghilh tawh dawn lo a ni," a ti.

MNF President chuan, an inhmuh­khawmna chuan kumina in­thlanpui awm turah MNF-te chakna min petu ni se a duh thu a sawi a, "MNF-in sorkarna a chan leh chuan hnam sipai hreawm tam tak tuara Pathian leh ram tana lo rammu tawhte leh martar chhung­te chanvo tur dah a ni tih ka sawi duh a ni," a ti bawk.