Vawiinah Assembly session

Mizoram Legislative Assembly pariatna session vawi kuana chu vawiin chawhma dar 10:30 hian ṭan a ni dawn a, Governor Dr Hari Babu Kambhampati-a'n thu a sawi ang. Session hian March 10, 2022 thleng a awh dawn.

Naktukah session hmasa leh tun ṭum session inkara MLA thite sûnna hun hman a ni dawn a, Governor thusawia lawmthu sawina motion sawiho a ni bawk ang. February 24, Ningani hian Finance changtu chief minister Zoramthanga'n kum 2022-23 Mizoram budget tur a pharh dawn a, chumi hnuah thuthar thehdarhtute a kâwm nghal ang.

February 22 aṭanga March 10, 2022 chhunga session neih turah hian Inrinni leh Pathianni bakah, March 4 (Chapchar Kût)-ah chawlh a ni dawn.

Nimin tlai thleng khan zawhna ziaka chhan chi (unstarred question) 280, House-a chhan chi (starred question) 566, bill panga, resolution 65 leh paper lay tur pasarih a lut tawh a ni.