Kea Mizoram fan chhuah tum vailiam

Lalbiakthanga (63), Lawipu, Aizawl chuan kea Mizoram fan chhuah tumin a fang kual mek a, nimin khan Aizawl aṭangin chhim lam a pan a, MJA president Zonunsanga Khiangte-in Sikulpuikawn aṭanga vailiamin, duhsakna a hlân.

Lalbiakthanga hian Mizoram fan chhuah a tum hi February 9, 2022 khan Vairengte aṭangin a ṭan a, Kolasib leh Mamit district a tlawh tawh a, tun ṭuma a chhuahnaah hian chhim lam district-a khaw hrang hrang tlawh a tum a ni.

A thil tih hi India independence kum 75-na puala a tih niin, a thu ken ber chu - inunauna leh hnam inpumkhatna ṭha neih, tuihna leh nungcha humhalh leh thih hnua mit pekte a ni a, a remchan dan angin a paltlang khuaahte a tlangaupui ṭhin.