Oil phur lut thei dawn lo

Mizoram IOCL Transporters Forum (MITF) chuan, India Oil Corporation laka lungawi lohna an neih avangin February 23-25, 2022 chhungin Mizoramah tuialhthei an phur lut thei dawn lo tih an puang.

MITF chuan thu­chhuah siamin, IOCL hnuaia Mizorama tuialh­thei phurtute chu an tlanna man kum nga hnuah a hma aia rate hniam zawka tlan turin IOCL-in a tih avangin tlàn ngaihna a awm lo tih an tarlang a, "Thuneitute hnena kan ngaihdante kan thlen hnuah pawh ngaihṭhatna tur chhànna kan hmuh loh avangin kan harsatnate lantirna atan ni thum, February 23-25 chhung oil kan phur lut thei dawn lo," an ti a; mipui hriatthiamna leh ṭawiawmna an ngen a ni.