Science Week Festival ṭan a ni

Directorate of Science and Technology bultumin nimin khan Innovation Facility Centre Auditorium-ah Science Week Festival hman ṭan a ni a; Zopa tualchher kut themthiamna neite'n an kutchhuakte an pho chhuak.

Science Week Festival hawnna inkhawm hi Science & Technology hnuaia MISTIC senior scientific officer Samuel Lalmalsawma'n a kaihruai a, Prof. R Lalthantluanga'n thupui 'From the annals of history of science' tih a sawi.

Festival-ah hian Zopa tualchher kut themthiamna neite'n an kutchhuakte an pho chhuak a, Mizoram Remote Sensing Application Center (MIRSAC)-in space technology leh an kháwl neihte an pho chhuah bakah, Mizo High School-a Atal Tinkering Lab. an inpho chhuak bawk.

Science Week Festival-ah hian science & technology lama mi thiamte'n thu an sawi ṭhin dawn bawk a ni.